割親隻手 >_<''' 痛到喊! ...

對上一篇Blog已經是2個月之前既事了 (唔計星座個個, 因為係抄的), 這二個月內, 我還是沒有時間整理18天遊歐洲的照片, 也還沒有把照片上載到Online Album. 呢篇Blog, 我想記低自己 8月31日係西班牙被玻璃割親隻手, 要入醫院縫左8針既慘事…

個日我拎起一隻玻璃杯飲水, 點知唔小心跌左落地, 但因為一邊對住電腦做野 (因為第二日展會就要開幕啦, 所以時間好趕!), 一邊彎身拾玻璃杯, 竟然失魂到將隻爛杯放番上桌面, 隻杯爛到無左一半, 而且仲要變到好似三角型咁. 做好電腦入面既文件, 我立即去掹電腦插頭, 希望盡快把文件拿去打印, 點知因為插得太實, 我就不停好大力咁向外扯. 突然, 插頭一下子被掹左出來, 但是我的手失去控制, 向住插頭後面的爛杯衝去. 當時我只是覺得點解痛痛地既? 再望下隻手背 (近左手尾指骨後面), 突然想, 點解會出白色既液體? 再睇真D… 原來係我的骨頭露了出來! 傷口好像隻眼睛咁大, 原來是皮被割開, 不停流血! 咁大個人都係第一次睇到骨頭… 一隻手將皮推番埋, 希望減少流血, 一邊用水沖, 其實我都不知道是不是正確方法, 當時想拿手機出來都沒有手呢… 我只好用手踭開門, 大叫, 希望有人聽到, 後來好彩有人聽到我叫, 立即幫我打電話去醫院, 但原來因為我還行得走得, 就要自己坐的士去… 當時我都忘記左係其他人幫我拿手機出來打給我姨姨, 還是剛巧她打給我, 我立即告訴她, 最後找了一個歐洲同事來送我去醫院.

去到急症時, 還要辦文件, 填文件, 等醫生, 再安排入去手術室. 他們幫我打了麻醉針, 但我還是感覺到針從我的皮裡穿來穿去的感覺! 在整個過程, 中間有一個醫生進來, 他看到我流淚了, 還拍拍我的肩安慰我, 可是, 我的心情是很不好, 不是因為痛, 不是因為割傷, 也不是怕留疤, 而是覺得很不甘心, 為甚麼不晚一天出事呢??? 明天就開幕了, 到時候受傷, 就不會在最忙的時候需要離開展館了! 手術過後, 我立即回去展館, 但還是很不方便…

現在一個月過去了, 疤已經看到應該是退不了, 而關節也動得不好, 尾指只能往里面彎一半, 幸好是左手, 而且也幸好是尾指, 不影日常工作, 但是讓家人擔心了一場. 以後要好好小心了!

還想說一下, 我去的西班牙急症室, 手勢真的很差呢, 我自己一直都不敢看傷口, 但回到香港的醫院拆線, 他們說這麼差的手藝, 不可能是香港的醫院出品的, 真不知道好笑還是好氣了. 回想我20年前額頭上的傷, 如果那時醫生的手藝差一點, 我現在肯定很丑了! 還是香港好…

還有, 絕對要感謝King, Jeanette, Rita在我受傷的時候幫我解決了很多問題!